爱~~~~~~~

你有無發覺到吖..?愛嘅感覺,總係係一開始嘅時候甜蜜,總覺得多咗一個人陪,多咗一個人幫你分擔.

  你終于唔再孤單喇,因爲至少有一個人挂住你,戀住你,無論係做緊咩. 只要可以係埋一齊嘅,就係好噶.

  但係慢慢咁,隨住認識嘅加深,你開始發現對方嘅缺點,於是問題一個一個接一個咁出現,你開始煩,攰,

  甚至想要逃避.有人話愛情就好似執石仔咁,硬係想執到一個合適自己嘅.

  但係你又點知道咩時候先可以執到咧?佢適合你,咁你又適合佢咩?其實愛情應該好似磨石仔咁.

  或者啱執到嘅時候,你唔係咁滿意,但係請記住:人係有彈性嘅,好多嘢係可以改變嘅!只要你有心,

  有勇氣.與其到處去執未知嘅石頭,仲不如將自己已經擁有嘅石仔磨光磨亮.

  你開始磨未吖?好多人認爲,係因爲感情淡咗,人先會變得懶惰.其實人係先俾惰性征服,

  感情先慢慢變淡傢!

  有一对情侣,相约放工之后去用餐,行街.但系个女仔因为公司开会延迟咗,当佢冒雨赶到嘅时
  候已经迟多半个几钟,佢男朋友好唔高兴咁话;"你每次都系咁,依家我咩心情都无了,我以后都唔会
  再等你家喇!"果一刹那 ---女仔个心决瑅崩溃了,佢系度谂,或者佢哋之间再无将来喇!
  同样,系同一个地点,另一对情侣亦面临同样嘅处境,女仔赶到嘅时候都迟多半个几钟,嘅男朋友
  话:"你一定好赶家喇."跟住帮个女仔抹去脸上嘅雨水,并且除咗件外套披系女仔身上.呢个时候,
  女仔流泪喇,但系流过佢面上嘅泪水却系温馨幸福噶!你体会到未吖?
  其实爱恨往往只系系我哋一念之间!爱唔单只要懂得宽容更加要及时,好多嘢可能只系在于你心
  境嘅转变咋!


  如果有个人爱上你,而你亦觉得佢唔错,咁并唔代表你会拣佢.我哋成日都话:"我要搵一个好

  锺意好锺意嘅人,先会拍拖."

  但系当对方问你,点样先算好锺意好锺意嘅时候,你却无办法解答佢,因为你自己都唔知.无错,

  我哋成日以为,我哋会搵到一个自己好锺意好锺意嘅人.但系后来,当我哋发觉自己曾经系几咁天真.

  假如无咗开始,你点知自己无好锺意好锺意嘅感觉?系要一齐经历耐咗先会发现噶.每个人都希

  望搵到自己心目中百分之一百嘅伴侣,但系你有无谂过,系你身边有个人对你默默付出咗好耐嘎了,

  只系你无留意喈.


  所以,都係仔細咁睇下身邊嘅人喇,或者佢已經等咗你好耐了.當你愛一個人嘅時候,愛到八
  分絕對啱啱好.所有嘅期待同希望都係得七八分,淨低嘅兩三分儸嚟愛自己.如果你繼續咁愛落去,
  好可能俾對方造成沉重嘅壓力,令彼此都喘唔到氣,完全喪失咗愛情嘅樂趣.所以請記住:喝酒唔好
  超過六分醉,食飯唔好超過七分,愛一個人唔好超過八分.


  如果你咁啱為愛係度迷惘緊,下面呢一段話可以俾D啓示你:

  愛一個人,要了解亦要開解；要道歉亦要道謝；要認錯亦要改錯；要體貼亦要體諒；
  係接受而唔係忍受；係寬容而唔係縱容；係支持而唔係支配；係慰問而唔係質問；
  係傾訴而唔係控訴；係難忘而唔係遺忘；係彼此交流而唔係凡事交待；
  係為對方默默祈求而唔係向對方諸多要求。 可以浪漫,但唔可以浪費。
  不要隨便牽手,更不要隨便放手......