捐血记

今日去左捐血啦！第一个感觉就系：支针管好鬼死粗啊！一开始仲以为好似吊针个Ｄ针头甘大，点知，个支死人也粗到可以当吸管用啦，搞到个护士系我只左手拍左半日都稳吾到条血管够粗，最后要换右手……第一眼见到支针管真系想晕低算啦……
　　另外有一件事好激人气，就系黄颖同罗晓君迟到左成个钟啊，系呢度点名批评！搞到到左南海血站个阵都快１２点咯，Ｄ医生护士个个都赶住去食饭甘（倶地１２点钟中午放工）。最搞笑黄颖拿埋个袋，个袋里面有两把伞，甘样去称先得个４５ＫＧ……女既低个４５ＫＧ就吾比捐血架啦！仲系个医生好人，写左４６……
　　捐血个阵，应昭上要求，我拿叶洁部手机同大家影相，点知搞左半日，叶洁居然话比我知，我摁错左粒制，一幅都冇影到……好淤啊！好彩有叶洁同黄颖帮我补锅影翻够数……搞到我成个大乡里甘……
　　搞掂之后，罗晓君出来比我地睇下倶只手，成手都系血……原来条友掹针个阵，Ｄ血就跟住飙出来，果然够猛。而阿冼临走个阵话只手肿左，结果要医生帮倶用纱布包住，之后系我视线范围内都没拆过，成为全场最夸张个一个。又系一个猛人。
　　出来我地更系去食饭啦，但系，唉，做左样好核突既事，就系入左人地间店又走翻出来。都没咩也姐和，但系系两次握！一日之内两次握！一餐饭之内两次握！没面啊……
　　好啦，流水帐写完，收工。ＹＥＡＨ！