694

       不知不觉，过佐694日，你，几好吗？
      
       姐姐籽，唔系唔想写野俾你，只系....呢694日....过得....一个人一生应该遇到既野，应该做既野，我几乎遇到晒，几乎做晒....我都佩服自己，甘都可以遇到兼经历晒，我相信你喺另一个世界，应该睇得好清楚，我好攰，我真系觉得好攰....

       距...亦过得一般，你应该睇到，但，呢D系人生必须经历既事，我地可以做既，只有帮距加油，系咪？

       你要照顾好自己，要过得好，起码令我地所有人都少一份心痛....要保佑爸爸妈妈同妹妹，要保佑距地开心，幸福，健康，知道吗？

       生活仲要继续，我地都要加油，每次话写野俾你，都觉得系要写长篇大论既，但每次一写，就发现，要讲既野特别多，但可以写既，特别少， 因为某一D感受，我相信，你可以感受到，系我无办法写出黎的.....