暑假

   放假拉,但系无左以前对暑假的那种期待,无左那种放假的兴奋,好想好似其他人甘玩个痛快,但系唔得,要稳野做,但系依家又未知结果,觉得好烦.以前好钟意番屋企,但系依家唔想番屋企,觉得好烦,好唔开心,但系又无地方可以去,好矛盾.
   人人都话次次见到我都系成日笑,觉得我无乜烦恼,其实扮得好辛苦,好多野都唔想亦唔可以同人讲,只有自己知,唔想人地担心我,所以成日都笑,我都想我真系无乜烦恼,但系,相反,我有好多唔可以同人分担的烦恼,有时真系觉得压到自己透唔到气,但系,唔可以比人知噶,所以要笑,要开心,唔开心都要开心,唔想笑都要笑.
   人人都话我恶,其实我唔想甘噶,但系我个人就系甘,比较易激动,我可以好易嬲一个人,不过我好快就会无事,好多时个口话仲嬲,其实个心早就无嬲.最近,情况更差,可能系因为最近发生太多事拉.系度同个D比我闹过的人讲句:"对唔住",真系好唔好意思,我会改噶,我会努力改.
   好想大哭一场,但系又无一个地方可以比我喊,系学校唔可以,系屋企更加唔可以,可以点啊?