兼职啊～～索爱啊～～

前几日，基哥介绍左份兼职比我，系去派传单噶。呢份工系我寒假噶第一份工，林翻上一份工系M记做，都有半年时间啦，时间过得真系快...

呢份兼职系帮万利达派传单，本来我都系系新港西路做，点知比人调左去中华广场，搞到要同基哥分开啦...

今日噶主要任务就系扮客人，基本上有1/3时间系坐系度睇手机，1/3时间系度倾计，就咁摞60蚊，都算系咁啦！！为左冇咁闷，我系咁同人讲野，（唔系搭讪！！）不过有D都未知个名...

今日呢份兼职虽然企噶时候好鬼攰，不过对眼都几舒服！！经过我8个钟噶观察，前四名分别系：第一位，索爱。果D女个个样靓身材正，瓜子脸，丹凤眼，柳叶眉，樱桃嘴，黄蜂腰，玉笋腿...（如有雷同，实属巧合）不过点都好过广大啦！而且重点系距地果套露池装加超短裙，简直系寒冬里面噶一个暖炉啊。第二位，MOTO。质素差过索爱果D少少，最主要系衣着方面输左。第三位，LG。基本上同MOTO噶一样，不过呢度多少有D主观因素啦...第四位，万利达。因为...有我！！其他噶可以忽略不计啦

呢份兼职唔知做到几多日，不过点都要做咖啦，唔辛苦点得世间财