又煩又囉嗦
今日又再俾人話我煩同囉嗦,個心好鬼唔爽。我都有俾人煩過囉嗦過!俾邊過?俾吖媽囉!“落雨带遮吖”、“凍吖著多件衫”、“食多啲”、“番嚟食飯出邊啲嘢無益”、“餓唔餓雪櫃有餸叮嚟食”、“煮啲飯你食好無”、“無咁夜番”、“咁夜嘅仲未番”、“咁辛苦不如睇下有無其他”、“食藥喇個鼻咁都唔食藥”、“早啲瞓吖”……吖媽囉嗦語錄遠唔止呢啲!真係好煩好煩咖!日日聽,時時聽,有啲甚至一日聽幾次!你話,煩唔煩,囉唔囉嗦!但……無咗媽咪咁喺我耳邊講,又真係太靜了。有啲嘢,我有我自己嘅諗法,我覺得佢管得太多,但對住我咁嘅人佢有辦法唔咁咩?而且,佢係關心我,緊張我!佢會話“皇帝唔急太監急”、“爲你好又唔知”、“閙你話你都係緊張你”、“第時番嚟搵唔到媽咪你哋就知驚”!我今日深深感受到佢平時嘅屈氣,俾個良心我哋食,就俾我哋當狗肺。我以後會聽話啲……!
页面更新:2024-03-04
标签:日志 网友日志 今日 良心 皇帝 辛苦
1
2
3
4
5
上滑加载更多 ↓
所有内容加载完毕