江西&云南(自助游)

江西行
三清山--
复活节放假果时去左四天江西,三清山同婺源.所以去到多数都见到D香港人.不过去三清山就真系BAD LUCK啦,因为好大雨,坐缆车上山落山,我地知道同地面落差好大,但系就一D都唔惊,因为落雨大,全部景色都系白蒙蒙既,乜都睇唔到.仲要系我第一次要着雨衣去爬山,真系辛苦.爬左好耐,成三个钟,但系都未见到个标志性目的地.不过一路上D松树同岩石又真系几靓,果条栈道虽然长,但系就行得几舒服.可惜可惜..行到一半路就要落山啦,因为时间唔够啦.有D失望.山上面卖既野食非常之贵,使左唔少钱.因为天气差,所以都无乜系三清山度影相相.
婺源--
去婺源玩果时天公作美,天气好好,好大太阳.所以影出来D油菜花都好靓.不过系路上就遇到过一件唔开心既事.我地系D油菜花前面影相,我地系包车既,想走既时候突然比两个农民拦住,话我地摘拒地D花,要生要死甘,唔比我地部车走.后来搞到要出动政府来帮手摆平件事,先走得甩.好在我地都无乜损失,唔使赔钱,不过就发现左一样野,原来D当地人都好识去打拒地既如意算盘架.真系好好既一次人生经验.

云南行
我今年系五月底去云南架,去左9天.都几长时间.不过可惜又甘唔好睬,云南落小雨.唔知系咪因为地震左之后,就会落雨呢?!其实我去到都有D惊架,话晒比较近四川啊吗.我地去左几个地方:香格里拉--丽江--泸沽湖--大理--昆明
系呢度我就唔详细讲每一个地方啦.不过可以简略讲D特色既:
丽江古城虽然好靓好繁华,但系相比于大理古城,仲系差小小.大理果个好大,全部都系建在山上面,好壮观啊,而且仲望住个好蓝好蓝既洱海啊.不过丽江果边既酒巴就比较热闹同现代化啦.

泸沽湖--呢个湖既湖水仲清过农夫山泉,真系无污染.呢度系女儿国生活既地方,所以我地都好好奇.不过原来平时拒地都唔系着住拒地既民族服,同我地差唔多架咋.呢度既门票好平,不过入面既消费就好贵.最惊险既要讲起我地来果阵坐既车,因为去泸沽湖需要坐7.5个小时既车程,果度不通火车不通飞机,全部都走盘山公路,非常险.如果无咩经验既司机,一定会跌落山.同埋我地去果几日系衰悼日,所以就无得玩篝火晚会,好可惜啊,不过无办法啦,国家大事要紧.原来泸沽湖系有分四川同云南架,不过风景真系靓到无得弹.

到左昆明,我地去买花.真系好鬼平啊.又香又靓.所以果度买花都系用箱装架.我地买35元花,已经需要个大箱啦.

我见识过白族,傣族,纳西族,藏族同摩梭族.云南果度住宿每晚都系50元,其实都几平.系值得一去既地方.