I'm back!

寻日11点钟落咗火车...三个人好威水咁抬住卷膜行出车站...原以为过咗上车个关,卷膜就唔使再俾运费...谁不知TMD广州火车站!!!临出门口前,见我地抬住咁大卷野~~~即克叫停我地~~~然后........补咗100蚊票~~~事关卷膜仲有80斤~~~SHIT!!!80斤已经抬到我地三个成只狗咁架啦~~唔敢想像当初去浙江个阵时3个人抬入去火车站个阵...个阵卷膜180斤!!!
补咗票出咗站台~~仲要抬过去停车场稳公司部车...好在个司机都有帮手抬..4个人抬舒服好多..不过都仲系超重~~~唉...12点半左右翻到公司..嗱嗱啉食咗2啖饭~~~就开车翻屋企冲凉啦~~~事关有D紧要野响万昌个边..嘻嘻
    冲完凉再嗱嗱啉飞车过万昌,唸住俾某人一个超大嘅surprise嘅嘛~~~点知...呜呜.......佢事前已经估到我今日翻到....最衰都系其它2个~~~透路咗我地今日翻嘅消息,整到有D小道消息俾某人知道咗T.T
    算啦~~~到咗万昌,飞奔去化验室...到之前一个电话:"喂....出嚟门口...""做咩啊?""出嚟就系啦!"嘻嘻....然后2兜友蛇王(其实系某人蛇王姐,我寻日下昼系休息噶)蛇咗去奥园吹水~~~谁知到咗最关键嘅时刻(系咩时刻当然唔话俾你地知啦~~)天公不做美啊...落雨!!唯有开车翻万昌啦~~~点知越落越大~~实在顶唔顺...响乐从中学门口避雨...唉~~~搞到我成身湿晒..其实我湿无乜紧要，问题系某人都湿埋，而且又大风卟~吹到我都有D冻..落咗阵D雨细咗,某某着住件雨衣然后好HAPPY咁翻翻万昌..翻到万昌先4点,局住无地方去..唯有跟埋上去化验室啦..响化验室傻咗个钟(其实呢一个种入面我已经了解晒入面所有嘅实验同测试啦~~系未好牛叉呢~~)5点一到,马上拍拍萝友走人去食饭...简咗半个钟终于简咗间"啱啱惨惨"(口头禅?!)饭店...其实我系一心想稳西餐厅架,不过你话好多人响度食咁就勉强咁入去试下啦...唔知系我太耐无食粤菜(你地唔会明白响浙江个个星期我食饭系几咁痛苦,唔系饮啤酒饱就系饮可乐饱噶..仲要系去D所谓嘅星级酒店添)定系间野的确整得唔错嘅关系..觉得超好食~~~2兜友叫咗4个菜2个饭...竟然食晒(我唔系有心间接指你大食架...)食完8点..翻公司顶楼排舞(这该死嘅8月15节目!)呢PART无视掉..哈哈..10点宵夜,死超人...讲起真系未稳你算帐...话明同埋我地一齐嘅,临走前又跟翻自己班D人去...唔得..听晚一于屈翻餐先...经过响浙江最后一晚我一杯倒嘅伟大故事之后(查实一杯倒系加咗好多料同埋好多环境因素嘅),我真系唔想再饮啤酒..好讨厌啤酒经过喉咙嘅感觉...真系好讨厌好讨厌..全场我响度吹可乐,而队长就养咗一晚金鱼..哈哈..半打酒某2件粉肠分晒...睇见12点都嚟紧,某人又未冲凉..唯有埋单走人.....然后呢度省略10万字~~~~~~~~~再然后罗开翻归,冲凉头都唔理佢干唔干就挞落床..一挞就瞓着个阵....鬼咩~~~舟车劳顿...唔攰就有鬼啦~~~
    使晒D钱喽~~~5号晚又要搞D野~~~呜呜...边个借住D嚟使住先姐...
    
死...竟然边一句有关嘅浙江学咗D咩技术嘅都无讲到添.
不过算啦~~签咗6年保密合同嘅..少讲为妙少讲为妙~~大家唔会怪我架呵~