Back from HK

   本来真系唔想星期六日去香港的，但系真系无办法，连最后的补休都用晒，搞到无晒假，只能够星期六去香港行一转。加上今次的来回的车费全程由南湖国旅赞助，特此鸣谢
    寻日五点九就系屋企出发同姗仔去香港，真系早到啊，六点都唔够就去到烈士陵园，哇，真系估唔到甘早会有甘多人，有11台车，全满的。人家唔知以为我地非法集会添啊。拿拿声上车稳翻个位就训觉，好似6点15分我地就开车，去到过埋关都唔使9点，有史以来甘早到香港啊。
    跟左一条海洋公园的线先去左车公庙先，唔唔，真系岩晒我呢个神婆啦。11点就跟埋车去到九龙，开始我地的自由行。
    哇，星期六的香港真系好多人啊，严格来讲，系好多大陆人，全部都讲普通话的，搞到我都唔敢点问路。哇，旺角真系超级多人，好似行花街甘，真系行到我地都无晒表情。今次来帮人买野多过自己买野，不过我自己都好多战利品，呵呵。同姗仔两个人总共买左几千蚊野，洗钱好似倒水甘，差d我张卡都要出动埋啊，再唔走的话。
    8点几就翻到湾仔，趁车未来，入去会展中心玩下先，19-22号里面有个亚洲游戏展，最衰都关门啦，唔系都入去体下，好多玩cosplay的人系度同人影相。好想影低距地，唔敢，算啦，影左张千嬅的海报。




唔多有气氛的圣诞灯饰





    本来如果跟早上的迪士尼线要过完关等到11点先有得走，好彩突然间有部就来走的车有最后两个位，早左足足一粒钟翻到广州。好累好累，近段时间都应该唔会再去香港了。