血濃于水...

    琴日上午9點幾,老豆就被推入手術室,開始為時兩個鐘嘅手術!手術前後,相繼有D親慼朋友過嚟探老豆,千言萬語,我哋只可以講一句:有心啦!!
    當老豆做完手術,推出嚟嘅時候,我第一個發現佢嘴邊竟然有血,我覺得好奇怪,亦都覺得有D慌,我即刻問姑娘,再到醫生,每個都喺喺度推卸責任,閃爍其詞,我哋感到异常憤怒,因爲老豆喉嚨完全損晒.....再者,我企喺老豆床邊,見住佢猛吐血水,表情喺幾咁痛苦,我差D喊埋出嚟,果刻,我真正感受到,咩喺血濃于水!!!!而且,我哋一致表示,若然以後有咩事要做手術,都唔會再喺番禺D醫院,同廣州D醫院實在喺相差太遠啦,驗證咗一句:番禺嘅醫院設備可以,人唔可以.即喺話D設備就比較先進,但喺D醫生護士就唔喺咁得!!雖然我唔喺咁識照顧佢,但喺我都盡咗我嘅能力,一直到晚黑7點半家姐嚟接班爲止...然後翻到屋企,沖完涼,坐咗陣就已經矄著咗!
    到今朝矄醒,我覺得左邊鼻孔有D嘢,摸摸,有好多焦焦,起身睇下,發覺自己留過鼻血,喺厠所吐痰嘅時候,幾乎全部都喺血,浪口嘅時候,都不斷有血吐出嚟,同老豆琴日嘅情况出奇哋相似,咁喺咪再一次話卑我知,"血濃于水"哩個平時無乜人會注意,但喺又的確存在嘅東西呢?!!!
         最後,都喺果句囖,希望每個人都健健康康,快快樂樂,珍惜你所擁有嘅嘢...