怒·喜·攰

怒篇

      今晚婆婆提前一日过生日，一家人去世纪明珠吃饭，我地买左个蛋糕过去，去到甘岩隔离办婚宴，比较吵，个部长系度同我姨丈倾紧开红酒既问题，我就捻住叫后面既服务员帮手将个蛋糕雪入雪柜啦，叫距，距无反应，甘我就用只手指点左几下距，点到距有反应了，就交个蛋糕比距，叫距放雪柜，结果，距用一个极道样衰既面容（距本来就生得乡下噶了）再加极道恶劣既态度回我：知道啦！

      我本来正想同距讲句唔该，结果距甘既态度，我就嬲嬲地，话左距一句：你宜家咩态度吖！点知距仲恶过我，话翻我转头，都话知道咯，边个叫你用只手督我姐，你叫我唔得既咩！我呆左下，无捻到D服务员会有D甘既态度，就同距讲：我叫左你，你无应我，我先啪下你姐。跟住，距继续讲距既野：你唔识叫我既咩，叫我服务员！

       我唔系强忍住唔闹距，而系我的确唔多识同人地吵，再加上我系第一次系酒楼度比个服务员激到嬲，我未反应到要点话翻距……就系呢个时候，我阿爸见距甘无理，就好恶甘闹距（个服务员既态度真系好恶劣），你系度讲D咩吖！甘先有另一个经理来处理呢件事，同我阿爸道歉，叫个服务员先放翻好个蛋糕先，点知距行住都仲回个头来闹翻我阿爸……（成个过程，系度倾紧红酒问题既果个部长完全无讲过任何野……）甘既服务人员我真系第一次见！

喜篇

      吃完饭我地去左沙面想睇国庆烟花，人山人海就系意料中既野噶啦，阿爸提议上人民桥过河南果边，待我地碎步去到上桥既地方时果边既桥口已经封左了，我地就兜入沙面，系里面上桥，就系我地准备上桥果阵，D警卫人员就用人墙封桥了，好在我地都跑左上去~结果，我地就系人民桥上面将D胶纸撕开（围观既人已经撕开左噶了，我撕得大D，等我爸妈都可以一齐睇姐~）

      好壮观！前面毫无阻碍，整个画面就系眼前！我第一次甘睇烟花……无人挡，无树遮，我就系第一排，正中间对住D烟花，高既、低既，全部都睇得清清楚楚~~ 好正！！好震撼！！！虽然部mp5既录影效果唔多好，不过对自己录既烟花就紧系觉得特别珍贵噶啦~~哈哈！！

攰篇

      睇完烟花，跟住人潮沿住江边行翻屋企……想搭车，无咩车，就算有，都好多人；想打车，但完全无空车既出现……无计，唯有行啦！9点睇完烟花行左个几钟，10点几先翻到屋企……

      个几钟姐，平时行街都唔止啦，点解今日甘攰，攰到只脚已经系好机械甘行，净系觉得好痛，条路好漫长，难道系因为今日着住对新既高争鞋？唔知，我唔知！我净系知道，翻到来我已经发现我只脚起左个泡了……