借錢無朋友

      一兩個月度，我地呢班師兄弟都習慣約埋以前嘅陳師傅，穩個地方“嗒番杯”。陳師傅時常告誡大家：若非“死堂”，唔好隨便借錢畀人。距早年環境唔錯嘅時候，為人都算大方，又肯幫人，所以不時將錢借出。雖然錢唔多，但總有人一借到錢就蹤影全無。“你想少個朋友就借錢畀距喇！”呢句系陳師傅既總結。
      但點都估唔到，最近，陳師傅居然千慮一失甘係距自以為“睇透曬” 嘅地方再跌多次！不過事件裏面嘅角色反轉佐——借錢人系陳師傅，消失嗰個系被借人，即距以前嘅徒弟！原來，陳師傅住嗰度被征地，距屋企因當年趕唔上“房改末班車”，所以至今仍屬公房。距經再三考慮，決定“棄租”要錢，寧願買一間地外偏僻嘅二手房，為佐日後唔再交租。但棄租所得嘅補償款好少唔夠買屋，挖埋“櫃桶底”果啲仲差一萬幾蚊。至此自稱十幾年未曾問人借一分錢嘅距終於要“破戒”咯！
嗰幾日，岩好陳師傅以前幫過距次大忙嘅徒弟、依幾年系外地“撈得幾掂” 嘅阿強返來休假，兩人頻頻見面。既然甘近水樓，陳師傅自然將距作為借之首選。果晚兩個食飯，酒過二巡，距一咬牙，開佐金口，仲趕緊聲明會寫番張欠條、計番息。點知對方話無錢，要返屋企問下細佬有無。陳師傅諗，有或無都屬正常咋！並唔多介意。
      點知一個星期過去佐，對方竟然連一個電話都無，呢回陳師傅開始有D唔滿意喇！但轉諗一諗，亦唔再深怪：“可能距幫唔度我唔好意思呢？”
      約半年後，有個朋友講畀陳師傅聽：“阿強琴晚穩過我，叮囑我唔好講畀你聽距返佐來廣州。”
自此，陳師傅同我地傾偈講到“唔好隨便借錢畀人” 嘅時候，就多佐呢一句：“唔系救命嘅話唔好向人借錢！”