第一次煮粥

近日个嘴实在系痛，所以琴晚决定自己煮粥食，系之前收集的资料当中，最重要的一条就系陈伯话可以用电饭煲煮，我当时都觉得好奇怪，电饭煲真系得？抱住怀疑的，求知的心，我于是翻左去房试下。
恶梦开始啦，系开头的一刻，我先发现，原来完全唔知落几多米，几多水好，无办法啦，随便，听天由命（个天一向都好中意我）....系乱落米同水的情况下，我开始漫长的等待（等小说时间）...半个钟过去...好多水...好多泡...哇！系我未反应过来的时候，D泡就变成水，流晒出来，于是我即刻打开个盖睇下，恩，发现还不错，好似米水的混合物，我继续等....十分钟左过....再十分钟过去....过程就系不停同D泡斗争的经过突然发现好似唔系好够水添，加D热水再煲！！唔得，白粥无味难食，我再加D盐，加几多好呢？正当我拿住一匙盐考虑紧的时候，一个唔小心..差唔多全部倒晒落去，无办法啦，认命，我再等...最后一个十分钟过去，我发现好唔对路，D水越来越少，于是无办法，只好关左个电饭煲，当系完成啦，其实都差唔多啦，终于可以食啦！（点解D粥同我平时食果D个样好似甘大区别，基因突变？）食左第一啖之后，就一个感觉-----咸，第二个感觉-----好咸，正所谓米已成炊，我又有咩办法，无奈之下，只好用小说去麻痹自己，狂食
好彩我本人身经百战，对盐有特别的偏爱，先可以忍受到D粥~~~~~最后经过实践证明，电饭煲系唔可以要来煮粥的，原因好简单，就系-----距一直都系甘加热，无得调温度.....干水....点煮....下次我会改用煤气炉，真蠢，甘都听人点！！！