岳阳行记之岳阳城印象
周末一行，虽意在洞庭湖同岳阳楼。除着景点之外，城市既点点滴滴都有着其欣赏价值。
从长沙到岳阳，路途并不遥远，坐火车唔使两粒钟，而且车票只系向15蚊左右，仲唔系学生票。到岳阳既火车颇多，仲有直达既喔。坐直达既较好，因为途经长沙，北上经过岳阳既火车，会有好多人向长沙落车。所以上车要等好耐，而且通常系无座位既。如果想见识下真正既搭火车既滋味，可以选择呢种火车架！选择呢种火车，好可能会见到有D人会从窗口中爬出爬入。
对于岳阳既总体感受，仲算过得去甘啦！虽然唔系高楼林立，但宾馆、酒店、西餐厅等服务行业既铺面装饰得富丽堂皇，简直让我这等寒酸之辈望而怯步。不过又唔使担心住宿同饭餐费等问题既。个度既收费好合情合理，甚至话系好抵啊。由于我系住向室友董勇屋企，所以饭餐同住宿费用都系唔使俾既。据我所知，一般既饭餐费用系一餐五至七蚊左右。游玩当然系比起向饭堂食饭贵D架啦。住宿费都几抵，只要唔系住宾馆同酒店。向普通既招待所，一般来讲都系二三十蚊。上着四十既话，都可能系遇岩旅游旺季或老板虾你系外地人。出外游玩，当然系唔会在乎个十几蚊住宿架啦，但系要讲求花得值唔值！
讲到岳阳既交通，真系有D唔满。可能系岳阳人比较注意食呱，向修路方面搞得好差。除着闹市中心步行街既路修得唔错之外，其余既真系算唔上系路。机动车道坑坑洼洼，人行道上既砖块缺失、浮空简直系无处不在，仲好鬼死脏架。公交车唔少，但系好早就落班。晚上九点之后，基本无咩公交车行。所以就算系闹市中心既步行街，此时人群已散去，稀稀拉拉无几个。相比四会，晚上既岳阳逊色唔少。都唔知岳阳人有咩夜生活！
岳阳人生意关脑唔错，好识得利用各种空间打广告。刚出岳阳火车站，眼前可以讲得系花花绿绿既一片，同株洲有几分相似个喔！因为广告到处甘贴。楼顶、楼面同候车站，甚至系公交车上既座位、窗位、投票箱上都打着各种各样既广告。此外，岳阳人仲好会利用各种物品做生意。推住车卖野，搭个棚做促销，摆地摊，有D仲利用停向车角既车卖野。
要了解岳阳，了解岳阳人，步行街同南湖广场系要去一次既。步行街度好多高级既商场，卖既野通常都唔会骇人听闻，睇到价格就走个种罗！要睇靓女，当然系到闹市中心既步行街。此外，电子游戏室，同向四会开既新世纪欢乐城、雷霆差唔多，都系美女云集之地。南湖广场都几大，同四会市政广场差唔多。晚上去系比较好D，但八点前就更好，因为此时音乐喷泉仲开紧。就算过着呢个时间都唔紧要，向广场望到既夜景都几靓，尤其系湖边灯柱一带，灯饰几靓架！
岳阳一行,都几值得.毕竟系个出名既古城市!
页面更新：2024-03-01
标签：日志 网友日志 岳阳 步行街 火车 长沙 南湖 闹市 广场 晚上 岳阳楼 洞庭湖 广告 候车站 中心 座位 株洲
1
2
3
4
5
上滑加载更多 ↓
所有内容加载完毕
