TO：我的家人

      一直以离，系空间上面我都好少提到我既屋企人，今日突然好想写一下。
     1986年7月7日，经过一番艰苦搏斗，任师奶终于生左我出离啦！细细个既我由于迟出世，所以成日都会病，搞到妈咪凑我凑得好辛苦阿 （多谢妈咪）！唔知点解，由细到大屋企人都好锡我，但系从来吾纵我。系我既家族入面，有一个堂大佬，我细个果时我地成日都一起玩，不过距成日都会虾我既 哼 ！不过距都系好锡我既，成日都会送公仔比我架 ！我又有个堂家姐，我地依家既感情比细个果时仲要好阿，可能大家都系女仔既关系，所以话题都特别多咯，嘻嘻 我仲有个堂细佬，我大距八年，距细个果时，我好中意抱距架 不过距依家就牛龟甘大只，仲高过我啦 哈哈
      成家人入面，最锡我既人却系最快离开我既人！每次提到距，我D眼泪都会忍吾住！距就系我爷爷啦！仲记得细细个拖住距只手同距一起去饮茶，行公园。每次比老豆打完，一定会翻爷爷度，同爷爷撒娇！老豆话过，爷爷最锡我，我知道，系我心入面距一直都无离开过。爷爷走既时候我吾系距身边，成为左我人生最大既遗憾！爷爷既离开令我明白，要珍惜同家人相处既日子。
       由细到大，屋企人都好保护我，屋企有事，我永远都系最后一个先知，我知道距地系唔想我吾开心，但系甘样令到我觉得自己好似废人一样，每次屋企有事我都帮吾到手，或者我明明知道解决既方法，但系却系无能为力。其实我真系好对吾住屋企人，以后我有能力，我一定要好好保护距地，就好似距地当初保护我一样。虽然上左大学以后我吾系好痴家，但系屋企人系我心入面既位置一直都无变，永远都系第一位！我既屋企人，多谢你地 ！我会好好珍惜！