08年的日记 7/29
出粮啦!出粮啦!等到甘耐琴日终于出粮啦!真是估唔到自己上个月真是用钱用到倒水甘啊,好唔容易先等到有钱使的日子,所以今个月自己决定了D钱要睇住来使!点都好啦,钱稳得来就要用架啦,一个人吃几多着几多整定的!依家我没咩望,希望就是阿妈可以过得开开心心,身体健康!我知道阿妈一讲起老豆就会好伤心,我又何尝唔是呢,所以我成日都会去安慰距!最近发觉阿妈真是瘦了好多啊,上星期返去外婆到吃饭的时候,舅父舅母距地话阿妈瘦了好多,问我是唔是唔听话!做仔的我成日要上班都陪唔到距,真是好不孝!可以做的野就是,休息的时候多D同阿妈出去行下散心,平时如果上夜班的时候,早上响屋企多点分担家务,至于拍拖?有没都好啦,自己甘的环境,自己知自己事,无谓连累其他人啦!我唔是一个好男人......有时真是觉得自己好似大唔透,自从老豆走了之后,自己就好似对人生没晒目标同方向,真是觉得自己好没用,咩都做得唔好!有时自己好自责,老豆的离开我要负好大责任,其实当时有好多野我可以做到架,但我没去做,导致老豆距失救而赔上了条命,呢个债,我一生人都还唔清!可以安慰自己的是或者好多野都是注定,例如今年过年,阿妈屋企果边无端端影全家福,甘多年包括我公公在生的时候都未试过,或者依个是上天俾我可以怀念老豆的最后几张相,每次睇到依几张相的时候,我都会好心痛,自己会盖住张被去哭!讲到呢度各位朋友仔可以能会觉得我仲好似一个小朋友,好似永远都长唔大甘,有时真是希望自己长唔大架,甘就唔使甘多烦恼,不过大家唔需要担心,天蝎仔我唔会永远都是长唔大的小朋友,我一定会重新振作的......
页面更新:2024-03-19
标签:日志 网友日志 阿妈 小朋友 多点 舅母 舅父 来使 上星期 生人 不孝 全家福 端端 公公 上个月 自责 无谓
1
2
3
4
5
上滑加载更多 ↓
所有内容加载完毕