09年的第五期心情日记

        09年的第五期心情日记，我俾自己的心情指数是3，心情都一般！
        好耐都没写日记啦， 因为自己都唔知写咩好！因为自己身边发生了好多事，有开心的事，也有唔开心的事！开心的事就是表姐终于生了BB，而且仲要是男仔，之前去睇BB仔，距好得意，见到表姐同姐夫都好开心！成日都听到D大人讲，生了BB之后就会体会到做父母的辛苦，正所谓养儿一百岁长忧九十九，针唔扎到肉是唔知痛，我地做仔囡的永远都唔会知父母对自己的忧心！就好似当老豆离开了我之后，要面对屋企发生的烦事，你唔去做，是体会个中的烦恼的！所以我地做仔囡的要多D关心自己的父母，就算是工作再忙，都要抽小小时间陪伴距地！唔好睇少依小小时间，我地睇上去可能微不足道，但是对于父母来讲，就好宝贵架啦！
         正所谓人生总有三衰六旺，有时总会要经历唔开心的事，但是觉得发生响我身边唔开心同唔顺心的野真是太多啦！觉得自己有好多野要烦，烦自己份工可唔可以顺利通过啦，烦阿妈的身体健康，烦自己屋企的事啦！谂起依D真是想自己永远唔去会长大啊！做细路仔几好啊，无忧无虑！特别依家依个社会，睇见D学校放学的时候有屋企人接送，书包有屋企人帮你拿住，想起自己细个果阵边有依只歌仔唱架！有时唔开心的野讲晒出来，都可以舒缓压力架！