我们这一家

    今年嘅中秋好热闹啊！
    我们一大家人聚在一齐食团圆饭，好耐无甘热闹过了。
   以前，我地仲未搬新屋果时，好经常聚餐嘅，当然，每次大厨都系细二叔，次次都系距一个人响厨房忙呢样，忙果样，我地就坐响外面等食，不过距就系中意甘，照距自己嘅话讲，就系“有人中意食，有人中意煮”，我地真系有口福嘅姐。后来搬左屋后，彼此隔得远左，就比较少聚餐了。
   今年中秋，系今年第一次，仲多左好多人添。除左我地一大家族之外，还有姑妈一家人，最意外嘅系，多表叔一家都来左，哇，足足6张台先坐得晒嘀人。而且，唔好以为我地到外面食饭喔，所有嘅饭菜全系细二叔一个人煮嘅，厉害哩！！！细二叔早上9点左右就出发去西樵市场买菜，从中午开始搞，搞左成昼啦，所以呢餐饭嘅最大功臣就系细二叔啦。
   食饭果阵，我地几兄弟姐妹，还有爷爷坐埋一台。结果，如我地所料，爷爷一边食饭又一边考我地。爷爷一直都系甘，中意教我地好多野，细个果阵教毛笔字啦，之后又教念诗啦，后来又教功夫啦，真系由细到大都好多野学嘎。只系我地呢班不孝子孙都唔多中意学啰，因为爷爷为人好严肃，响距面前讲笑都唔敢，好闷嘎嘛。而今次考嘅系“字谜”，不过我地都估唔到，只有一个堂细佬估啱左一题，真系惭愧。
   食完饭，大人有大人嘅节目，爸爸距地嘀男人就继续饮酒、倾计。妈妈同嘀细二婶、惠大婶and大姑丈就打麻雀，我地嘀班细路（暂时我都归埋细路果个行列啦，虽然我已经22岁啦，但系响屋企人面前，我应该仲算系细路一个挂）就坐埋一齐食水果，早上细二叔去买菜果时，买左好多水果番黎啊，食到我好饱。不过食完水果后，就无乜野做了，本来谂住烧烤嘅，又无烧，睇埋奖门人之后，有嘀眼训，不知不觉就响厅训着左。
    不过早上发生左一件令我好后悔嘅事，就系为左一件小事而同阿妈吵起上黎。平时我唔多敢顶撞阿妈嘅，琴日因为心情唔好，加上有嘀唔舒服，所以就大大声甘顶左阿妈几句，事后我觉得好后悔。其实我何尝唔知道阿妈平时做野好辛苦啊，日头做8个钟，夜晚仲要加班，落班后，打理家务，仲要“服侍”我地一家大细。谢谢您，妈妈！！！
    家和万事兴，中秋节，当然要和和气气啦。