假期@over

话甘快两个月噶暑假就甘玩完，听日就要翻学啦，讲真，心里面几平静，因为……觉得无咩所谓挂，系唔同噶地方会有唔同噶野做……BUT，都系唔舍得D F咯

讲翻呢几日发生噶野啦，星期二去左打羽毛波，系BT约噶，因为距约左传说中噶南武（仲有距D F）去，质素呢，就嘛嘛啦，又唔玩得乜济，无咩用 不过话时话，个日都打得几激噶，好耐无锻炼，林住郁下D手手脚脚咯

星期三同成班初中同学去左打波，记得三年唔见噶犸骝－－袁家豪，睇落都唔错啊，系把声变左少少，系华师读，叻过我咯，唉……下午同孔霈霖去左网吧林住打机，点知后来同左suman顷计就无玩噜。同距……衣家算系恋人未满咯，对距感觉唔错，大家都几在乎对方，有时就因为甘而曹交唔开心，但系衣家最紧要噶，我林系我有个致命噶缺点距未必接受到咯，爱美之人……唉 所谓人各有志，当然任何人都唔可能勉强其他人点，为感情稍微迁就改变系正常而且应该，但系过分噶话，都唔系自己啦，有咩谓……SO，顺其自然咯

星期三又去左许靖屋屋玩啦，同距玩KOF98意外地头两铺都赢左，好过瘾 讲真啊，翻去噶时候明白到呢次系短期内最后一次去距度玩噜，有D唔舍得同无奈，无办法，朋友仔大个左为生活各散东西好正常，但系始终都系会唔舍得，或者净系我系甘啦。就好似寻晚甘，打算最后一次消夜互相饯行，BOYS全体终于再次聚集，几开心噶，系有时会突然间冷场几秒咯，或者大家噶生活都开始越来越远离挂，SO我一去到就自对一大杯（对于我来讲），林住系解下D唔开心噶感觉咯，唔知距地点林呢 ANYWAY，希望我地呢班因为打波同性格相投而一齐噶BOYS会永远都系好朋友啦

寻日突然好大洗 点解甘讲？因为寻日一用就用左3500+咯，买电脑哇 哈哈，终于我哄掂老豆比我自己去买机，配置都唔错噶，AM23000+,512M667,7300GT,DVDRW…BT翻来个时好兴奋甘讲句“……你部机甘靓……”听左真系疾左一下，或者唔惯啦…老实讲，去之前好兴奋，但系翻来个时，唔知点解，无咩感觉咯，虽然呢几年的确好想有部靓机打下，但系衣家……可能比我无限上网会开心D咯，大个左挂，明白游戏只系定死噶规则中打转，同人打交道千变万化，好玩好多……

今日无咩做过，系系度执野同整过个显示器，唔知点解，岩买左新机显示器又唔听话，唔同个天真系甘玩我？

回想呢个暑假，比起一年前…虽然无左包月上网，但系真系精彩左好多咯，无得上网就成日出街，一系消夜；日日系屋屋锻炼厨艺，整左几个特赦野，仲打左四日工添，叻呢 林落呢个应该系最后一个无咩负担噶暑假啦，听D师兄话大二暑假要实习写报告…系啊 翻去仲要补考啊，阴功咯……

系啊，听日系我地噶BT仔二十岁生日啦，大家快D为我二十岁生日噶四个月零一日倒数庆祝啦 讲笑姐，系度同距讲声生日快乐，过去噶野就忘记距，留低美好记忆同经验就系啦，未来我地仲有大把野好玩啊，你颓我对林你噶！！！

临走前最后一晚，心情嘛嘛，想去江边静下吹吹风，或者阵间去咯 系甘先啦大家，系甘先啦…06暑假……