FUNNY ENDING

话甘快就到左学期尾啦，大家系米已经开始放假呢，东东过埋听日都正式开始放咯，唔知大家有无林过带东东去边度玩呢

学期尾，就当然要讲下学生最紧要噶“正经事”——考试啦，上个星期终于考完左传说中噶VB中级证同埋网页设计中级证，大大话话都160蚊考一科噶！所以我地都唔敢掉以轻心，做好一切事前准备：问人借齐u盘啦，装好局域网传输工具啦，编好自己噶代号啦（方便联络），做定D题去COPY啦……就系甘，我地系不停噶CTRL+C & CTRL+V中稳打稳扎甘搞掂呢两个所谓噶国家认可上岗职业资格证，真系好难啊 另外系年半无考过政治噶基础上，我以77分噶优异成绩成功过左邓论（个时唔知边个话唔及格要补考……），星期一由于个粉肠老师一直企系我隔离所以与组网几个失之交臂，今日系统考数据结构噶考场上，我一边冷静甘罗出一分基本同我要考个份卷完全一样噶题（含答案），一边望住外面随风飘扬噶树叶，轻轻叹息：时下噶开卷科目认真开得彻底啊

除左考试，上星期基本无咩特别野发生，不过，大家唔使失望，叫得FUNNY ENDING,当然唔会无野写啦，精彩噶野系呢个星期先正式开始！

首先讲下星期一噶考试，我地班阿珩哥仔因为比人收左张猫纸，激得嬲嬲地就喝个老师”快D发卷啦，唔使做啊 “，跟住个老师又沉唔住气，讲左一句”你牛B！“（听讲系北方粗口来咖，听落几得意哦何），跟手放低D卷过去秋起阿珩，阿珩就大喝“你不要动我”，然后两个人就甘互相怒视左几秒，同一时间我地D人梗系唔会错失呢个机会……“哇，老师唔单只唔发卷，仲爆粗想打人喔，哇哇哇……”，跟住个老师先醒水好恭敬甘请阿珩出去……呢件事到衣家都未平息，听讲时候系主任罗来调查，个个都话老师爆出，阿珩只系讲野大声左少少 可能系东东平时做开好人，好少接触呢D甘噶事啦，觉得好过瘾，中国人果然系人多力量大啊

星期一下午同嘉琳出左去玩，呢次系我地第一次见，不过因为之前已经好熟，所以都完全唔陌生！个日出去玩我系林住距近排唔系好开心，而且又临近学期尾，米带距出去HAPPY下咯 本身林住去市一宫睇戏噶，点知未够中，就去左中广同流前咯 最搞笑就系一齐玩太鼓达人，明明两个都未玩过，但系觉得最高难度都完全唔系问题，越卜越过瘾，仲卜到周身汗添（米乱林啊，卜个鼓炸，呵呵）食紧野个时我话距个头唔好睇，距居然叫我即刻带距去剪（其他野唔见距做得甘有效率），剪完又话唔舍得D头发……女人，唉……ANYWAY个日真系玩得几开心，阵间仲会去距噶生日会，听讲有5个女仔服侍我地三个男仔食饱饱，皇帝般享受哦，呵呵

星期二同MAY出去，终于收到我今年唯一一分生日礼物——温暖牌围巾！！大家系米好羡慕呢 我甘大个仔都未有女仔织过围巾比自己噶！好暖哇 ！SO HAPPY！！！系度真系好多谢距啊 呢排有个对距好好噶男仔出现，不过距对人好似硬系有D不必要噶介意（我觉得姐）。28号系距生日，希望到时距可以同一个自己真正想噶人过得开开心心啦

寻日其实都无咩大野发生，唯一值得讲下就系我D大学同学同BT班人（包括我）抽3C，先讲下结果先啦，我同BT距地赢左噶，但系玩噶过程中我地宿舍D人就不停甘教我点样拖延自己噶队友进攻，输左就话我手指拗出唔拗入，知道衣家有D人仲对我态度好嘛嘛……其实就系好简单甘打一铺机，输赢真系甘重要咩，比你出猫赢左又有咩好处……无语

寻晚全宿舍噶人都系度温习，系得我早早上左床床，可能因为之前冻亲，呢两日一直都周身发冷，沾寒沾冻甘，寻晚仲冻到训唔着添，今朝又周身骨痛，唉……真系唔认老都唔得咯 不过讲时讲啊，呢个星期过得甘开心，有个少少唔舒服有咩所谓 呢个寒假，可能会去上营养师课程，又可能去舞狮稳钱钱，加上可以同班F周围去，仲有……应该都几好玩噶，大家密切留意啦