简单开始

衣家系新学期噶第一个周末，家下上紧VISUALBASIC数据库应用，由于机房D人不自量力甘设置D极度低级兼无聊噶禁止U盘系统系部机度，领到我用左五分钟去破解距（如果唔系距部机重启慢，两分钟距就沦陷啦），SO 讲多无谓，直入主题，又系我东东同大家汇报下过去一个星期所发生噶事噶时候啦！

首先系上个星期六，成班人翻去搞爷爷D野，烧衣纸啦，上神台啦，老豆距地4兄弟姐妹忙左成日先搞掂，仲口口声声话已经系最简单咖啦，甘睇法，第日到我地呢D独生子女做个时，米领晒野 ？后日系将爷爷送入黄大仙噶日子，距地四个不嬲都人多口杂，睇来都有排舞咯

星期日去左帮嘉琳罗行李，个日下午总算同距静静地顷下距同距条仔D野，内容都系同平时噶大致一样，都系明道理但做悟到分手咯，我就叫距慢慢习惯下噶，林住距有D觉醒啦，点知距早两日又叫条仔过去接距翻屋企，令我完全失望啊！仲话“爱自己”喔，飞蛾扑火，硬系扑埋D伤害自己噶人度，NO SAVE！

星期一乖乖地留系屋屋，过翻D好正常噶假期生活：训到十点几，起身买菜煮饭，食饱饱打阵机，仲难得甘训左一阵，然后早早搞掂晚餐翻学校。夜晚翻到学校个阵，唔知点解班舍友居然企晒系楼梯口，话等我喔，结果好快就搬晒D野上去……夜晚关灯之后，班友罗左成十几支酒出来，啤酒啦，九江啦，白兰地啦，然后仲打电话叫左外买炒粉花生，完全就唔知为咩甘饮起上来。我发现白兰地比白酒好饮好多（当然就系无罪啦，顶多飘飘地 绝对对得住系天堂噶爷爷同公公两位酒圣！），好似红酒甘，所以玩21点个时输左就专稳白兰地饮。奇怪噶系个晚阿铟同阿珩都饮得好少（对于距地来讲），可能系水土不服挂，呵呵……之后呢几晚我地宿舍都久唔久饮下白兰地先觉觉 唔通，大学生就一定要受酒精噶洗礼 ？

翻来几日基本都系悭悭俭俭噶两餐，上课=觉觉+上网+写日记+发偶豆，打机，上网，洗白白，吹水，再觉觉 同以前无咩区别，唔同噶就系基本全部都系机房课，用免费端口上网打魔力，同埋……早餐多数食斋河而唔系三蚊云吞，呵呵，WHAT A SIMPLE LIFT

呢期身边噶事都系围绕学习噶：豚豚开始上电大大一，阿妍努力备考专四，仲有PENSY，蒙蒙，丽思，鱼鱼都差唔多一模咯，大家要比心机啊！东东今年好似系犯太岁，靠晒你地来旺我咖啦 哈哈

对比二月，呢短时间真系平静得可以，唔知平静噶背后会唔会有暴风雨呢 我！预左今年黑咖啦！咩风浪我未见过，来就系啦，I`m the coordinator!

                                                                           2007.3.9