clam and clear

今朝如常晨早坐车翻学，发觉空气中已经弥漫住秋天噶气息，细心一林，原来已经差唔多中秋了。虽然唔系好热，但系已经有个种秋天特有噶安逸感觉……好难形容……就好似一日落来系傍晚想翻屋屋食饭噶感觉咯，呵呵。

前排认真唔掂，家庭，友情，爱情，事业，生活全方位受袭.一时间来噶野太多，有D内存溢出……呢个星期冷静翻唔少，一来因为放纵左两日，开心翻唔少；二来大概系因为知道左自己噶想点做挂。其实自己一早已经明白做人最紧要“知订”

之前讲过暑假最后噶一段时间我睇过唔少灾难片，其中不乏一个普片受用噶真理：置之死地而后生。当人系几近绝望噶时候，会放开一切顾虑，顿时会有一种豁然开朗噶感觉，从新从另外一个角度睇问题，反而会更加清晰，林到更多噶野……

冷静落来之后，慢慢林翻自己想做D咩，可以做D咩，应该做D咩……人噶开心往往系因为在乎噶少而唔系得到噶多。明白自己噶目标之后，米努力去咯，其他野 比距啦

细细个个阵一直埋怨自己屋企，点解人地甘多玩具，点解无零用钱，点解自己老豆唔似人地噶甘同自己好似F甘平起平坐甚至咩都就自己，点解自己不断努力做好但系距地总系唔会满足……

呢段时间林翻，其实都几中意自己有甘样噶背景过去
细个无野玩，我会睇下书同电视，学到好多道理，大个出来威咯，米识得点样处理问题咯
细个无钱用，咩都要悭要挨，惯左咯，大个米多钱用咯
老豆严肃，我决定要令自己有好多朋友，容易比人接受，甘就学识处理关系啦
虽然话人地D意见多数系岩，但都无理由成日要改变自己就人地噶！你有你要求，我有我感受，无话乜都就！唔开心噶永远都系不满或者放唔开噶人！

……我都唔知自己点解会写D甘噶野，或者算系处理完上一段时间噶唔开心同埋麻烦事之后噶一D感悟挂。OK，CUT CUT！

星期五晚同BT许靖出来顷计，大家不约而同甘讲起伙食费贵左，BT个度唔系加价就系减量，许靖个度仲要六蚊一餐！我都系六蚊，不过系六蚊一日！事关我一早习惯粗茶淡饭——真系好粗同好淡噶！学校饮水机噶清水，午饭一个斋汤河粉，晚餐一个斋炒米粉再加一个斋汤河粉，根据自己噶专业知识，算系高碳水化合物低蛋白低脂膳食，简单来讲就系唔使死，哈哈！虽然艰苦，不过大家唔使担心，细佬都算系有少少肚腩噶，而且每次翻屋屋都会补充翻D营养，至今依然无咩病痛，仲林住又去捐血添！yeah 新学年噶开始当然唔会唔讲新生，讲新生就绝对唔会讲男生！BT前个星期就已经接左新生，听讲得噶比较少，而且系贪钱型，晒气！许靖个边……据说有三分一都讲得上唔错噶，不过有少少遗憾——距地系得三个女噶……至于我呢边咯喔，暂时都唔觉有咩好野，不过一翻来听D室友话D新女同06噶都几得闲——有“胸” 有待观察，有待观察 嘻嘻

讲起女咯喔，就不得不讲下寻日上课个时见到噶一个姐姐啦 话说寻日我翻到课室，见到一个从未见过噶姐姐坐系门口附近，距个样好标致噶，鼻尖尖嘴细细，只眼唔大唔细而且睫毛长长，仲要系我最BY个种马尾加清汤挂面。我林都无林就坐左系距斜后面（根据初中个时噶经验，斜后系最好观察位置！），说时迟哪时快，我都未坐低就睇到D令我好震惊噶野：目测距居然同我差唔多高！低腰短牛仔裤加一件短T将距噶身材近乎完美甘表现为两个字：修长！当然我唔系一个贪图美色噶人，我只系系听课听到比较闷个时望下距，甘岩呢日讲强化食品，都几闷……经过一日噶“相处”我发现几样野：距身腿比例唔系好恰当，个身长左少少，脚唔系好长；距有雀斑，比较多手毛，而且唔系好“得闲”；距应该系新一期噶学员，岩岩来广州噶外地人，讲普通话，对身边噶一切都颇具戒心（我曾经唔觉意系距身边经过，比距掘左一眼……）；非本地潮TASTE，因为距睇周末画报，而且带住副超走……其他资料不祥，东周刊记者东东将牺牲自己为各位作详细跟踪并及时报道

又翻学，每个星期少不免要坐几次车，呢排每当系车上听到D人讲纯正噶广州话（即使系粗口），都觉得好亲切，觉得甘样先系地道噶广州人广州LIFE，唔通真系临近中秋有乡愁？老啦老啦 讲起乡愁就要讲下猪排，如无意外距应该就来离开北京去澳洲了，系度祝距顺顺利利，平平安安啦

最近比人话我D歌唔好听，话我NO TASTE 唔知大家觉悟觉啦！呢期为左应景，摆D抒情D噶歌，希望大家中意啦 不过呢度系我地头，就算大家唔中意，我都只会同大家讲一句：你咬我食啊 嘻嘻，BYE

日久生情

歌手：邓丽欣 专辑：dating stephy

曾共你相识那天
旧情未会老
屏幕的痴痴眼中
换来是控诉
怎么想到能
一天走进热爱跑道
大概一起了相拥过
未算好
只因似发觉被爱的恐怖
能生出爱情
问我应不应去祷告
我相信是世间说共你都应该登对
我心里也许轻轻后退
沉淀里
来独对
期待的一个梦心醉
这个玄机为谁
这一次愿我可以在你身边不失去
怕只怕忘记了怎去追
只需要拥紧你已不能流下泪
谁和你只好相对
明白到初相见好
若然未爱到
时日的兜兜转中
注定难计数
想得到永恒
只好一再受过伤害
直到一起了
相拥过
便更好
想可以爱到全世间深奥
能生出爱情
是最好心得有好报
我相信是世间说共你都应该登对
也许我已经轻轻默许
沉淀里
来独对
期待的一个梦心醉
只有为你伴随
这一次愿我可以在你身边不失去
怕只怕忘记了怎去追
只需要拥紧你
已不能流下泪
谁陪我一生一对