秋来也秋去

话甘易中秋就过左，依稀记得呢个应该系一个人月两团圆噶节日，应该同自己亲近噶人一齐渡过噶，唔系情人就系亲人，唔知大家过得点呢？我就过得认真嘛嘛啦，由于唔多可能同亲近噶人渡过，越林越DOWN，最后发疯了，同许靖玩dota，史无前例甘杀左起码五个人，然后去上课，再陷入沉思，然后忍唔住翻宿舍喊左，顺势训着埋，又系唔知几时比人拖左出去消夜，毫无知觉甘饮食：白酒，啤酒，可乐，果粒橙，茶，炒粉，青菜，花生，一品煲，鱼干，辣椒……原本个添灰完又落雨，最好又变翻晴空一片，睇到圆圆噶月光，或者算系个天比我噶一份礼物，但系……觉得有D讽刺咯

脑里边比较深印象噶中秋有两个：
第一个应该系初中时噶事啦，个日老豆屎兴兴话出去食饭，虽然呢个唔系我地屋屋噶一贯作风，但系林住都叫过节啊，顺下距意咯。三个人行出去，发觉基本无边间酒楼系有位噶，兜左差唔多成个钟，我地终于明白一个道理：我地唔系无钱，而系基本无咩节日观念，过节多人系我地之前已经知道噶，但系无订台……“都系翻去自己煮啦，两个大厨系度，三几十蚊食到你饱饱济济都得啊 ”就系甘，我地好似平时甘夹手夹脚整左餐都几丰盛噶家常便饭，咩送我就唔记得啦，不过始终觉得甘样适合我地多D咯
第二个系高三个年噶中秋，大家都知咩事啦，节前初恋告终，几YEAH啊 感受大家都应该明白，无谓多讲。今日甘岩适逢系三周年纪念日，听讲PENSY系新噶学校都过得唔错，而且几依赖距衣家噶男朋友，系度祝福距啦

呢一日，自己深爱或者曾经深爱噶人都应该过得唔错，其实自己应该开心至系，亦都明白“开心噶话日日都系过节”呢个道理……甘DOWN的确唔似我作风，林落……一来因为最近一D烦恼啦，二来……可能平时都系平淡自然，咩野都尽量简单得来开心，到左节日都系无咩特别开心噶野，反而有D失落感。出去消夜貌似玩得好癫，但绝对非我嗜好。个时对住个天，突然林到D野：系皆大欢喜噶节日，如果自己过得唔系甘开心，系米应该趁机会林下自己之前对人对事噶态度系米有问题呢……

或者自己真系变左啦，呢排经常时晴时雨，自己噶心情竟然都跟随住改变 不过好在，我依然系COORDINATOR，多少仲可以协调翻自己噶心情。上星期一关灯之后我同几个F出去散步，见到有棵木瓜树生左好多瓜瓜，一向遵纪守法噶我居然林都唔林就罗支竹督左几个落来，呢个星期翻来食左一个，咦 几清甜喔！所以寻晚再次携装备出动：胶袋，电筒，刀！顺利再捕获多4个，我地仲行晒成间学校，林住都就来毕业咯，有乜罗乜噶啦，不过无咩好发现：有菜啊，不过丁屎甘大棵；有椰子树啊，不过无椰子噶；有另一棵木瓜树啊，不过就来死噶；有女啊，不过有闭路电视射住噶……

嘟，嘟嘟，嘟，嘟，嘟嘟……特别新闻报道，早前同各位观众介绍过噶目标人物175MM最近不停以不同着装出现，分别有923噶长裙衬衫文静LOOK同埋926噶牛仔板衫运动LOOK，其余清汤挂面+马尾，CONVERS同埋冰冷表情等特征依旧。另外，目标人物仲曾经坐系本记者隔离，经本记者眼尾观察，距仲几次望过来，怀疑垂延本记者美色，意图接近，幸本记者为人坐怀不乱，无事发生！并由于本周开始目标人物课程将不与本记者重合，距面露苦色，黯然神伤，最后疑似挥泪而去。本记者有机会亦会再同大家做跟踪报道！东周刊记者东东，报道完毕！嘟，嘟嘟，嘟，嘟，嘟嘟……

89月发生左唔少野，烦恼亦都随之增加。就来十一咯，希望生活可以尽快回复正常啦 林落都觉得自己讲野有道理，无衣家噶起伏麻烦，第日平淡个阵又点会觉得幸福呢 就好似你无伤血，就算比你一个大补，都无咩FEEL咖啦 哈哈,听讲猪排同龟衣家都系广州，8G大GAME失落的星球应该可以行得郁，仲有漫展，自助餐，消夜顷计，放血计划……
    
                秋与冬，无界，无痕，若即若离……
                                                                                                游戏噶乐趣，始终系唯一噶未知！


糖不甩
歌手：薛凯琪 专辑：electric angel

作曲:方大同
填词:周耀辉
编曲:方大同
演唱:薛凯琪

看看床前看看月儿
我面前世界极甜
我突然爱上某些中国诗意
如糖水的雪耳
很古老的细致
要我们也能有些中国诗意
来重头爱一次
来怀旧爱一次
以汤圆包了万语千言
以汤羹端上万年好意
情易散糖不甩
谁是幸福的爱人
云在天甜在心
会念辛弃疾
很想哼出三生注定的音韵
缘易变糖不甩
谁又认真的爱人
林在山甜在心
要像鸳鸯戏水的陪衬
我会给红豆吻你耍双截棍
树叶绿地会知
愿望愿你知
爱得似一首唐诗
谁和谁在今天
享受万世的糕点
看看床前看看月儿甜像拔丝
耍向东想有温柔似东方
耍向西都有思念到东方
浪漫时就从唐朝转入糖街
春风满天
男孩叫我心甜
我不敢去猜七重天意
愿爱到一千阙美丽唐诗