静休期间

最近发觉自己真系懒左，以前一个星期一编噶周记衣家起码成两个星期先写一次。有时会问下自己点解。讲忙，其实由唔算；讲得闲，有时又真系好多野做……唉，睇来人噶惰性认真可怕啊

前个星期六翻去同嫲嫲庆祝生日。林落自己真系唔多掂，连嫲嫲几多岁到衣家都仲系唔多清楚……不过，我都几有嫲嫲心噶，亲自去市场买送整左几味拿手小菜比距食，虽然衣家爷爷已经唔系度，但系距系天堂一定会保佑我地噶，加上有一大班仔女儿孙陪住，要过得开开心心哦！当日下午本来林住睇下书训下觉就甘过，点知后来有左无心之得！话说拉叔见我甘无聊就拉埋我去太平洋行街，本身都无咩噶，后来讲起表弟话想要个U盘，拉叔就话买个比距啦，问题系时下U盘都系GG声噶，表弟细细个买甘大又无咩用，但系细个D又唔平得去边 于是我灵机一动，就同拉叔讲不如将我个128mp3比左表弟，然后买过第个比我……就系甘，我就罗左拉叔一个1G噶MP4，虽然系一年前同距一齐买噶，但系功能质量都唔错，够晒用 YEAH，赚左咯！

讲起嫲嫲生日，突然林起最近买噶一本书——《佐贺的超级阿嫲》！无错，就系HUGO早排成日讲个本。本来我对呢种叙事类噶书兴趣唔大，但系之前复开营养师，突然好有睇书噶冲动，就系买书噶时候买埋。本书描述噶系作者同嫲嫲一同渡过噶贫困生活，当中突出表现嫲嫲乐观知足噶生活态度！真系唔睇唔知道，本书所表达噶态度同我简直讲得上同声同气，就好似讲紧我甘！本来想摘取一D语句同大家分享噶，但系林落本书实在太好啦，成本都值得大家好好去品味，so 留翻比你地自己去感受啦

系啦，呢排学校有单“实习门”事件，等我静静鸡爆比你地知啦：话说暑假我地有几个同学留系学校参加软件设计大赛，其中一team仲罗左唔错噶成绩添，个指导老师（听讲由头到尾都无点指导过……）就同所谓噶中国电讯“某部门”联系，林住推荐个几个同学去实习！D人听到有机会去做野就好兴奋啦（个个都唔想留系学校），仲有几个无参加比赛但系平时表现都几好噶同学都跟埋去。间野系水荫路，经过一轮面试。筛选左大概5.6个人，林住去做啦，点知间野话要签字！本来实习签字都正常，但系里面居然规定1000一个月，唔包食住，一做就系八个月，之后仲要公司决定你噶去留！哇 分明昆水姐，软件测试员，实习1000蚊唔出奇，但系一做就八个月，边有实习甘耐噶，而且都过晒稳工时间啦。跟住我个舍友就即刻唔做，但系就换左我地阿屎忽鹏去。据我地估计，间野同中国电讯噶关系唔大，因为中国电讯出手都唔会甘孤寒啦，距地应该系急需制作一个软件，但系缺乏人手，打算稳班廉价农动力搞掂个项目就唔要，跟手比左D着数个指导老师，老师就美其名话推荐实习，实质系跣左我地一劐！唉……

上次米同大家讲唔知点解一日食个几蚊都会肥噶，我稳到原因啦。原来我只要唔系学校，就会食好多！！呢两个星期都有系屋屋煮饭，我买一餐送噶钱差唔多够我系学校食个半星期！系嫲嫲度同拉叔出去又食好多！自己出去有时食得更多！有时多到自己都有D怕怕，搞到呢两日身体出现代谢失误，好在衣家好翻姐……唉，有人话我饮水都可以肥，我沉默 因为，我知道国家需要我呢种高节能人才！！起来 不愿做瘦仔的人们 用我们的脂肪筑成我们新的长城……

早两日出奇甘听到BT话距都曾经玩过下股市……或者都唔应该话出奇噶，衣家搞到甘火红火绿，个个都会想去捞翻笔 不过，听讲家下跌紧，岩岩提到噶舍友基本望都费事望，只系当我地问起今日蚀几多噶时候，黯然甘答一句“千几两千姐，无事噶，唔怕！”……不过距系牛人，老豆系90年代已经有几十万身家，就系炒股无晒，衣家到个仔，就算衰多劐都有经验咯河！BT个F明哥就惨咯，辛辛苦苦赚左两年几小钱，衣家蚀到有唔知咩咩症，成日觉得宿舍门未关喔 唉唉，都系爷爷讲得岩，投机倒把噶野都系唔实际咖啦

讲起股市，我又林起我老豆噶问题。距原先做野个度由于业绩唔好，即将要比总公司逼迁到芳村个边，而且老豆同公司噶合同只签到年底，到时有无得做都未知！我做仔噶系工作方面从来唔过问D咩，亦都悟到我过问，因为我试过，距地都一直只让我搞掂自己，成个屋企好似无野发生甘，照样去旅行，买电器，周末出去威……我明距地唔想我担心噶，不过话时话，对于老豆踏实噶性格我真系无咩担心，最近距居然同我讲距可以计算到加息时间，虽然我唔信，但系以距系股海甘多年，赚唔多，但系蚀更少，应该无问题噶。距话喔，迟D寒假装翻个宽带，如果真系比人炒左，就做职业炒家喔！呵呵

呢几年系大学，真正学到噶野唔多，有用噶更少！系我无心又好，老师教唔好又好，都过去了！不过林到自己就来要做野，又唔会好惊 自己同人稳过工，发觉只要有一技之长稳份工真系唔系好难。头先讲过噶牛人，高中开始同人整网页稳钱。大学甘耐，呢排炒股噶唔计，同女友出去行两三日街500-1500，一个月车费伙食>800，仲有经常唔记得借左钱比人，唔觉唔觉又无左几百……寻日上就业指导，个阿伯讲左一段话，我觉得讲得好岩——“无论大专定本科生，就算系研究生，基本都系得知识，无咩经验，公司请你噶头几个月甚至几年，都系系度培养你。甚至可以讲，呢段起步时间基本你系帮悟到公司增加经济效益噶，凭咩要人比甘多你！”我认为一出来慢慢稳多D尝试无可厚非，但系一定要踏实同埋目标明确咯

讲讲下都唔知自己讲咩添！讲翻D轻松野啦 早排同大家讲过噶《失落的星球》同埋《荣誉勋章·空降神兵》都系前个星期正式爆机，简单形容就系三个字两个感觉“震撼·爽”。十一月过左一半，几个期待已久噶大GAME都出左——CRYSIS,NFS11,COD4同埋已经上市一段时间但一直未玩噶bioshock，个个都系精品！加上预计下段时间都会比较忙，应该都够我玩到寒假咯，呵呵！

好啦，讲左甘多……唔系，应该系打左甘多都有D攰啦！迟D有咩再同大家SHARE啦 系度送上一首最近越听越有味噶歌，同时多谢介绍首歌比我噶花斯奶：哇，你个嘴甘大，点解唔笑多D呢 呵呵！

是非题
歌手：范玮琪 专辑：哲学家
每段故事都有一篇剧情
每段爱情都像动人旋律
一颗真心却只向着你前进
也许爱越单纯越着迷
你是窗外另外一片风景
在你眼里我是什么关系
你的呼吸藏在我的爱情里
何时能诚实面对自己
我们从不开口那个言语
那一句我爱你
永远像少了勇气
别人都说
我和你之间的关系
没有人相信只有关心
我们从不正视那个问题
那一些是非题
总让人伤透脑筋
我会期待
爱情盛开那一个黎明
一定会有美丽的爱情