无声无息地去HK

      其实都无打算圣旦前去的,系死仔珊的引诱下,星期六烂左出去陪他行街,家内只有肥仔知我去,身边的朋友都无咩人知,所以今次去比较静悄悄,早上八点去到石龙火车站,妈的,上到火车无位坐,好彩跟住一个HK阿伯去了头等,加了五蚊,去到深圳关,鬼打甘多人,打晒蛇饼,签健康纸又唔记得带笔搞到四围问人借,等HK个关时都等到腰痛,个头又好实,坐火车去旺角稳阿珊都顶唔紧要坐头等,妈的,第一次坐头等,都几舒服!可能太黑仔,在火车都打到电话比阿珊,点知到步时个死人电话打唔出去,电话亭又打唔到,好彩一个阿伯借个电话过我打乍,会合阿珊就行老尖进发,在海港城内行完ZA之后去B家试左大衣都无咩好行了,就杀去买童装,帮P仔杀左好多衫,足足两大袋,我自已执得好少,小肥仲加无了,罗到死死下,之后番旺角陪阿珊买介指,反大懵睇睇下又买左个吊嘴,全部搞电都五点了,我赶住走,打电去新世纪坐火车的,叼死,又塞车,个头真是痛到死,打算去到新世纪偷偷地买部N97番来送比肥仔啦,点知个间死人野倒闭,搞到我又要打电话叫同事帮手买,最后临走又执左一大袋优之良品,我一条女人仔罗左三袋野从坐火车到过左关,累到我扑街,当时真是想死,从无末阵试过去HK去得甘痛苦的,到了罗湖顶唔紧我即时买左部车仔,唔系我真是唔知我自已点去到坐火车,番到家八点半,P仔一听到我声就醒即时流眼泪,我又要腾他训,作鬼他一直唔肯训,个头又痛个肚又饿,救命呀!

 

       总结:以后去HK钱可以唔带(因为有卡)但仟万不能唔带车仔,真是会死人!

三大代

P仔的一堆