落雨毛毛天~
呢几日个天气都好唔掂啊,落雨湿湿甘,难顶到死~今日初五咯,好快个年又就甘就过左咯。我觉得过年真系好鬼累,仲累过平时翻工!仲要又闷咯喔~
今年过年初二惯例翻阿公度拜年,今年好搞野,舅父同D姨丈个个都催我今年结婚,一个二个都好似惊我嫁唔出甘,真系透气都痛...仲要阿妈同老豆同距地颠埋一份,都死叫我快D结婚,晕...我好后生咋好无?!做乜系都要我甘早结婚姐?!阿妈同老豆仲要死叫我问翻医生一齐,又话点好点好...家姐将得岩,婚姻就好似一对鞋甘,适唔适合自己只有自己着过先知,外人系无可能会体验到.我真系唔想做衰人咯.我怕我同距结左婚,但我真正又唔系好爱距,甘样对距好唔公平.果晚去吃饭距都几次又明示又暗示我话想结婚,唉,我梗系明距意思啦,但我又唔想甘直接去拒绝距,但我更加唔想为左唔HURT距而去应承距.甘样我只会更加衰!不过都几开心既就系,距到目前为止都对我好好,所有野都系为我好,距一直以为我仲系个新得阿浩而唔接受距,所以距好努力甘去模仿阿浩黎另我对距有所改变,不过,距始终系距,阿浩始终系阿浩,两个人系无可能一模一样架!不过距为左我开心而甘做我都有些许感动既.但如果叫我去接受距,我真系做唔出,我会好自责架!
阿浩,你教下我应该点做?居6差唔多可以过美国架啦,我唔想因为而拖累距发展啊!不过人始终都系自私既,或者呢家我就讲得甘坚决,不过到我真系再稳唔到既时候,可能真系要牺牲距做我水泡了.
今年金猪年,好想可以饮到师傅同师母餐喜酒啊...
页面更新:2024-05-09
标签:日志 网友日志 阿妈 先知 姨丈 舅父 师母 阿公 可能会 喜酒 水泡 后生 美国 惯例 自责 外人 猪年
1
2
3
4
5
上滑加载更多 ↓
所有内容加载完毕