孕29周小记-----2010.1.10

         偷懒左几日无写日志，今日又要开始动动手指啦。

         已经29周啦，宝宝系我肚仔度29周啦。仲有两个几月就系预产期，真系好期待。

         当初知道有呢个小家伙噶时候，其实我身体都无咩反应，就算到依家都系。好庆幸宝宝无令到我孕期呕吐。而且胃口仲系咁好。

         已经唔记得第一次胎动系第几周噶时候啦，只系记得个种感觉。就好似个心脏系个肚仔个度咁，有时候跳下跳下。依家就唔同啦，我冲凉个时望住个肚仔都见到个肚仔郁。

          凌晨2点几噶时候，系宝宝最最活跃噶时候。唉，可怜嘅我，佢郁多几下，我就想去厕所。有时一晚去10次厕所，真系折腾。呢个系有左宝宝之后最明显噶改变，去厕所噶频率高左好多。

         不过已经几多人话我肚仔细啦，今日去睇孕妇装（到依家未买过，米去睇下罗），个售货员听我讲话依家已经7个几月都唔信，佢话好细，叫我饮多D汤水。。。唉，其实我真系食好多架，都唔知点解咁噶。。

         之前听人讲话3个月开始见肚。。。。嗯，无呢种感觉，依然系咁瘦。跟住D人又话6个月个时开始大架啦。。。嗯，我信，结果，都系俾人话细。。。嗯嗯，我依家寄望最后一个讲法，最后两个月大得好快。。好，我期待。。

        不过好彩噶系，虽然肚仔细，但系宝宝健康，呢一点系最重要噶。

         今日就写到呢度啦。宝宝，爸爸妈妈爱你啊！！！！