呢两日

       琴晚同表弟阿权去国际间大地睇左《窃听风云2》，据我观察应该系全场满座。我觉得套戏都OK，值回票价啦   PS：有D笑点确实几搞野下，值得推荐。仲有灰常多谢阿权请我食好好味嘅桂林米粉。

         然后今早同大细宝出去食早餐  ，大宝几乎全程都推住细宝，唔使我抱。首先由铺头行去绿满园，然后再由绿满园行去六姨铺头，再由六姨铺头行翻我地铺头。就系差唔多到我地铺头个时，钰羲就伸手要抱抱啦，可能真系攰啦。有时钰羲行行下见到D楼梯级又会行上去，又行翻落来，跟住我拉翻佢过来，同佢讲，钰羲，要专门D推，望住前面，然后佢又会好卖力咁推住弟弟。

        带住佢地两个出去，有人会问系咪双胞胎.........厄，好明显一大一细架啦，其实，只不过弟弟大只D罗。依家弟弟差唔多有姐姐咁重啦，不过弟弟都比较高，我谂体检个时，体重应该唔会超标挂。