2011年08月27日 寻找吉野家之旅

自从华强北同中信既吉野家关左门之后，我好耐都无食过吉野家啦

重翻高木直子既书，入面有一篇写高木直子自己一个人去吉野家食野

我又好想自己一个人去食吉野家啊

于是今日中午起床之后，好休闲甘坐地铁去到金光华寻找吉野家啦

 

落到地铁站，居然成个地铁站唔知点解无信号

同我反方向既地铁，上一部车出站同下一部车入站，相差都唔到20秒

我唔知系地铁工作人员计过厘个车距系安全距离，还是只系好彩两部车无相撞

总之我要去食吉野家，就要坐有生命危险既地铁

不过以食为大，上左车先算，最后都系安全甘到达目的地。

 

宜家吉野家D野无以前甘好食啊

我食既双宝饭，无论系鸡肉还是牛肉D汁都稀左，无以前甘浓

唔知只系金光华果间系甘，还是宜家所有吉野家都系甘。

 

以前系华强北做野，中午好钟意去吉野家食

以前份工无食堂架，中午唔包食要自己带饭盒，

觉得超麻烦，好唔钟意自己带。

好啦，宜家份工有食堂，包早中两餐，唔洗带饭盒啦

我又超想带，巴不得日日都自己带饭盒。

所以话人系唔系都会犯贱，永远觉得唔属于自己既环境就系最好既环境

 

成日都会觉得其他职位会比自己既职位好，

其实只系自己唔了解人地既职位要做D咩。

人地加班，唔洗同我地讲既哦。

你见到人地系办公室无野做既时候，人地咩一样见到你系他办公室门口无野做。

份工适合自己就得啦，洗咩去羡慕人地。

你羡慕人地，厘个系你既事，我理唔到，

但你唔好日日讲出来啊，会影响到其他人架嘛。

我听都听到烦啦