2012年05月26日 京基100自助餐（瑞吉酒店）

我既奢侈生活今日正式完结
无啦~~无啦！系云南净底既钱，今日同连Baby去左京基100第95楼既瑞吉酒店自助餐食完
京基100既自助餐其实无网上讲既甘差，我觉得味道好唔错，只不过系选择唔多。
中午食加服务费一共423蚊，唔系好值厘个价，有D贵。
 
同我最爱既鹏连比，京基100第95楼哦，风景无得讲啦，坐系窗边，感觉真系好到不得了。
风景方面，鹏连同京基打成平手。
                 
     
           因为落雨玻璃上有水，所以D相有水珠。 
 
环境方面，鹏连客人比较多，而京基唔知系未打开个市场还是收费太高既关系，客人唔多，成个场都好安静。
所以环境方面，俾京基赢啦。
 
菜式方面，京基都唔知有无鹏连既三分之一，菜式选择唔多系一个好大既问题。
唔知系唔系因为甘，我觉得系京基无鹏连食得甘饱啊。
系鹏连我系食到难受，而京基只系觉得好饱罗，感觉其实我仲可以食多碟架。
厘个唔洗讲都系鹏连胜啦。
 
之于味道方面，京基系我食过甘多自助餐味道最好架（以前一直都系觉得鹏连最好味）
厘方面同人客数量有绝对既关系，宜家客人少，食物甘系会精致好味D，到以后人多味道如何就唔知啦。
不过暂时来讲，味道系京基全胜。

  开始食既第一碟，肚饿唔得闲摆靓D， 虾好好味，但觉得肉太多啦。而蟹会令你停唔到手。

 

    草莓汁，连Baby既最爱。但我比较钟意饮苹果汁多D！

   焦糖炖蛋同芒果冻，炖蛋鹏连比较好味。我最爱食透明果种水果果冻杯，可惜无，京基大多数都系蛋糕。        

   濑尿虾同三文鱼都好新鲜啊，我食左5碟三文鱼，但濑尿虾壳好难扒啊。

               

炒圣子同炒花甲，当场系客人面前炒架，不过客人要等，有D累啊。

 

价钱方面我觉得加上服务费300蚊就差唔多，中午400几真系有D 贵。

鹏连个价就OK啦。

 

其实甘计法，鹏连同京基系我心目中都系打成平手。

鹏连话晒都系我最爱，只要想食都会去既。

好似我厘D甘钟意食野既人，京基都会再去罗，但系唔会去得好似鹏连甘多。   

 

成日叫京基自助餐，其实自助餐系属于一间酒店架，间酒店大堂位于京基100第96楼，叫瑞吉酒店。

我都唔知点解大堂会设系96楼，去食自助仲要先上96楼，然后行楼梯到95楼。

瑞吉酒店好似系深圳唯一一间超五星酒店，酒店工作人员穿西装都几有型架。