中美婚禮@鶴山碧桂園
今晚,稀里糊涂地,跟爸媽去咗碧桂園鳳凰酒店,以為系一般飯局,原來系大牌婚禮請飲,hoho~~
新郎系美國人;
新娘系中國人,佢爸爸系我老豆鄉下村嗰啲"兄弟",所以條村好多人都嚟飲!
女方,一中出去嘅,一中有老師嚟咗,最大牌系黃校,啱好喺我哋隔離檯,不過我呢啲,以前讀書又唔系特別出位,黃校點識我~~哈哈!
西式婚禮@鳳凰酒店B棟,喺電視見得多,自己親眼都系第一次見...老爸老媽在場,拋花球就唔敢去趁熱鬧咯我!
中式宴席@文華會,見啲"鬼佬"睇到啲中餐呆曬~哈哈~!
祝新人永結同心,白頭偕老,早生貴子...
種種原因,新婚夫婦正面照片欠奉...
最搞鬼系自己班侄仔侄女,個個大曬,鬼馬靚女曬!
侄女避開曬鏡頭,見唔到咯!
>大佬細仔,英毅!
>左:二佬大仔,樂毅;右:英毅,都系9歲...
>二佬,澤毅(二佬細仔)...怪手系樂毅遮住佢自己媽咪!
阿澤,我哋家族出肥仔嘅歷史任務交俾你啦!食飯期間,個口未停過,牛!
花絮:有個伴郎好似簡拿華路(Fabio Cannavaro,意大利球星),啲鬼妹好索啊~~
上次去婚禮,已經系07年寒假,甄sir嘅咯,宜家佢已經系一個男仔嘅爸爸咯~~
諗起日劇<求婚大作戰>,幾時輪到.........................
页面更新:2024-03-31
标签:日志 网友日志 侄女 大牌 大佬 爸爸 酒店 伴郎 意大利 出位 稀里糊涂 宴席 女方 中餐 新郎 球星 花絮
1
2
3
4
5
上滑加载更多 ↓
所有内容加载完毕