过节

    见到阿妈一早系MSN留言，先知原来今日冬至，一个属于中国人既传统节日。系广州，每逢有节日，都会好开心，会感受到过节既气氛，但呢度……完全无……

    咩感觉？中国人节日唔关我事，鬼佬节日也唔关我事，自己过生日果日早上出版社晚黑餐馆做足11个钟，到底咩节日先属于我，到底我有咩节日可以过？朋友话我变佐只鬼喇，连中国传统节日都唔知喇。我只觉得自己变到好似唔人唔鬼。

    今日过节，本来有一阿姨同阿叔好热情话一定要系翻广州前请我食饭，就呢日啦！结果我寻日专门跑去买佐两盒chocolate做礼物，今日无电话，好happy感俾人放飞机！点解happy？因为系未来两个星期里面，今日系唯一一日休息，再加上过节，唔想出街，只想系度同男朋友一齐食饭，系屋企休息下。

    好耐无好好休息过，好耐无上Q或者MSN更新过。搬屋无记载，好挂住tomi猫同pussy猫，唔知距地呢家点呢？毕业除佐将相upload上网，也无记载，转眼就毕业，感觉好唔真实。仲有好多其他野都无记载落黎，望翻转头，好似所有野都原地踏步，但其实一切都已经唔同佐。

    真系好耐都无空闲时间过喇，得闲死唔得闲病，所以……25号圣诞到1月4号呢段时间，鬼佬圣诞假期，我就term break，感觉只有打工可以浪费下时间，总算有翻D时间……于是，屈佐个几月既感冒终于发作！年几无病过，系时候感冒下update下我个病毒库喇……

    经常谂，我望住果个天空果旧云，系广州会唔会有人同我同时望紧？我呼吸紧既空气，有无可能从广州飘过黎？我听紧呢首歌，广州有无人同我同时听紧？去与留既问题，今日再次系我心里面脑里面挣扎搏斗，成日想同自己讲“到时先算啦”，但“到时”，又要点抉择呢？

    纷扰既世界，我到底属于边度？有边度先系适合我生存既地方？我以后到底会变成点？我会何去何从？好似好多选择，但有几个选择属于我可选择范围内？开心快乐表面下，压力未曾减少，原来，系屋企既20几年，系如此少年不识愁滋味，如此快活而不自知！

    好想可以翻屋企好好休息下……系爹爹妈妈羽翼下安心地睡……