7月5号，柜桶……
又到左7月5号，唔知点解每年到左呢日我既心情就会变得好复杂，究竟系为左自己可以无惊无险又过一年而开心又抑或系为左自己碌碌无为又过一年而烦恼呢？连我自己都唔清楚。系呢日晚上7点半既时候我终于将我果只戴左6年既CASIO复古版摆左落个柜桶，因为距开始无电，粒电子用左6年先无电都算对得我住了！呢只表系我正式第一份工第一个月出粮奖俾自己既礼物，距睇住我由一个九唔答八既死靓仔变成而家呢个自认为思想成熟既男人，系距陪伴我既呢6年入边我真系经历左包括事业同感情在内既好多好多野…… 其实我相信我既经历会比大部分其他既同龄人要多，因为甘先可以解释到点解我甘既人到今日居然会唔再天真。讲番个柜桶，点解我要将只表摆落个柜桶而唔系摆落个垃圾桶呢？系因为呢个柜桶保留左我由细到大既记忆……有小学生日果时同学送俾我既单行簿、音乐盒，初中校运会既奖牌、圣诞卡，大左之后既耳环啦，戒指啦等等既野。而家呢个柜桶已经好旧，究竟系将入边既野一次过清理晒距呢，定系将入边既野永远甘保留呢，暂时我都未有答案……
页面更新：2024-04-03
标签：日志 网友日志 月出 靓仔 碌碌无为 音乐盒 奖牌 同龄人 垃圾桶 耳环 戒指 天真 礼物 烦恼 成熟 晚上 感情
1
2
3
4
5
上滑加载更多 ↓
所有内容加载完毕
