龙珠真人版观后感

等左甘耐终于睇到龙珠真人版啦，不过哩出嘢真系令我太失望啦，彻底破坏晒龙珠嘅形象,都吾明个导演做咩要改编哩出嘢做真人版，哩出戏真不失为一出烂片。以下就系我对理出戏最失望嘅地方：
1、龟仙人居然比悟空杀左，有咩可能，最尾仲要用神龙来令龟仙人复活，太搞笑了吧，不过条神龙就做得几似嘅。
2、悟饭（哩个系悟空距爷爷）居然系悟空成十几岁那阵仲系度，仲要教埋悟空武功，简直颠覆左原著，唯一相同就系悟饭将四星球交比悟空。
3、赛亚人完全吾见左，最变态系悟空变左魔童条靓。太离谱啦，悟空居然有双重身份，真身居然系魔童条靓，仲要系变左大猩猩嘅时候。成出戏都系度隐藏悟空嘅身世，点知最尾居然系魔童条靓，真系有D好想打锅个导演。
4、魔童居然无拉拉多左条靓，仲要系个女人，令我捻起係米捞乱左杂烩饭条靓呢？仲有，魔童居然要靠台好样衰嘅飞船周围飞，莫非比人封印左两千年吾识飞？那只飞船又好似系杂烩饭部船甘嘅，真系乱来。
5、悟空D感情係真系太夸张啦，成出漫画都未见过悟空有kiss嘅镜头，一出真人版入边就两个镜头啦，仲要好重点甘描述悟空嘅感情。唯一相同就系琪琪系华人演员，身材都同原著有得比，不过太高了挂。只不过悟空变左鬼佬。。。。。
6、都系龟仙人，不过系龟仙人间龟仙屋变左系大城市，无佐只海龟，龟仙人靓仔左好多，咸湿左好少，无佐个龟壳。D形象差晒，最破坏形象就系教悟空练气，简直就系度耍太极，动作一模一样。
7、悟空D功夫摞来沟女。悟饭叫距吾好同人打架，哩样嘢就好听话，点知系度用来帮琪琪开储物柜，仲要系度搞破坏（不过哩样就原谅距啦，悟空成日都搞破坏架啦）。
8、界王神更加夸张添，变左个凡人。记得漫画版魔童第一次见到界王神已经吓死啦，点知而家界王神吾单止住系凡间，更加住系大都市入边，变左界王人啦！
哩D就系个人对哩出系最吾满意嘅地方啦，极度反对哩出戏拍续集，以上纯粹个人意见。